Un Enaid Bach

Plentyn yw plentyn a mam ydy mam
Bomiau yw bomiau a fflam ydy fflam;
Sgechian a chrio uwch-ben y cryd
A baban bach sydd llond y byd.

Plentyn yw plentyn, ble bynnag y bo:
Israel, Lebanon - yr un ers cyn co;
A dim ond un anrheg ddymunwn,  Dduw:
Dyro inni heddiw yr hawl i fyw.

Un enaid bach sy'n llond y byd
Un enaid bach sy'n drysor mor ddrud,
Un enaid bach a'i gan mewn crud,
Un enaid bach sy'n llond y byd.

Blentyn y storm – fe ddaw heddwch i’th gryd,
Blentyn y storm boed dy gan lond y byd:
A boed i ti’r hyder i gamu mewn ffydd:
A boed i tithau fyw yn rhydd.

Cantorion:

Rhys Meirion

Cerddoriaeth gan: Robat Arwyn

Cryno Ddisg: Boomerang

Hawlfraint: Robat Arwyn, Robin Llwyd ab Owain a Boomerang

Copiau o'r llawysgrif - ar werth oddi wrth Boomerang