|
     
|
Brenin y Sêr
Ro'n i'n unarddeg oed ac yn syllu i lygad
amser,
Ro'n i'n unarddeg oed ac yn wan a dihyder;
Ro'n i'r lleiaf erioed, yn ddim byd ond gronyn
Ar flaenau fy nhraed at y ser yn ymestyn.
Ond mi glywais i'r lleuad yn galw fy enw:
Dim ond i chi wrando, mi glywch chi hwnnw!
Brenin y sêr! Mae 'na gân heb ei chanu,
Dringa i fyny, dringa i'r sêr!
Brenin y sêr! Gall un gannwyll gynnau
Dros fil o ganhwyllau, Brenin y sêr!
Ro'n i 'chydig bach hyn,
(Wedi syllu i lygad amser!)
Dim ond 'chydig bach hyn,
Ac yn tyfu mewn hyder!
Roedd 'na barti yn y nefoedd!
Roedd 'na ddawnsio yn y sêr
Roedd y lleuad yn canu mewn tocsido flêr!
A meddai:
Rydwi yma fan hyn yn dal i syllu i lygad
amser!
Rydwi yma fan hyn yn orlawn o hyder:
Ac wrth ochor y cwbwl a welais i gyd
(Holl symffoni'r sêr a'r ehangder i gyd,)
Mi glywaf y lleuad yn galw fy enw,
Dim ond i chi wrando, mi glywch chi hwnnw!
Brenin y sêr! Mae 'na gân heb ei chanu,
Dringa i fyny, dringa i'r sêr!
Brenin y sêr! Gall un gannwyll gynnau
Dros fil o ganhwyllau, Brenin y sêr!
|
Cantorion:
Bryn Terfel
|
Cerddoriaeth gan: Robat Arwyn
|
|
|
Hawlfraint: Robat Arwyn, Robin
Llwyd ab Owain a Curiad
|
Copiau o'r llawysgrif - ar
werth oddi wrth gwmni Curiad
|
|
